د گران هېواد افغانستان په هکله

 

دخپل کور کلي د وستانو ملگرو او په خاصه توگه د ولسونو سره د ليدو له پاره خپل هېواد ته سفر د ښو خاطرو سره مل وي د اوږدی مسافری نه وروسته د سفر کول خواږه او ترخه لري.

درنو دوستانو هيله لرم زما په ليکنه کې هغه څه ومومی چی ستاسو د زړه خواله پکې وي،

کله چی  زه د گران هېواد پلازمېنې کابل ته ستون شو م تر ټولو اول د يوه دردونکي غمگيني پېښې سره مخ شوم زما گران وراره چی ما د خپل ځوی په شان خپل کور کې لوی کړې وو په يوه نا څاپي غمجنه پېښه کې شهید شو  دده غم موږ ټول سخت غمگيين کړو دده اولادونه بی پلاره شول . ددی نوم سيلاني وو شهيد سيلاني ټول وخت د خپلو دوستانو ولسونو په چوپړ کې وو  دی پر خپلو دوستانو او عامو خلکو سخت گران وو . يو رښتينی پر خلکو او هيواد مين وو د خلکو سره يي خاصه مينه درلوده .

له دی غم وروسته مي د خپل گوندي مشرتابه سره د هېواد او گوند پوری اړونده مسلو په هکله زياتی ليدنې کتنې وکړی زموږ گوند چی د يوه گوندي کنفرانس په چوکاټ کې د خلکو له گوند سره يوالی کړی وو خو په هغه بنيادي مسلو چی د گوندي يوالي پروسه يې ټکنې کوله د مقابل لوری له خوا د نه عملي کيدو پر سر زموږ د گوندي اړخ ( ملي گوند» او خلکو د گوند پلویانو تر ډيالوگ غونډو بحثونو وروسته دی پاېلی ته ورسيدو چی ددوی سره خپله لار جلاکړو . د ملي گوند اړخ د مرکزي شورا د لويو غونډو وروسته ۹ ماديز وړانديزونه ورکړل  په تاسف چی د خلکو د گوند د پلويانو له خوا عملي نه شول . هغه اصول چی مخکې ور باندی پرېکړې شوی وی تر پښو لاندی شولی په پاېله کې د ملي گوند مطلق اکثريت دی پاېلی ته ورسيدو چی يوه اعلاميه نشر کړي ورسره سم په ۱۱ د غويي ۱۳۹۷ ل کال د کابل په سپين زر هوټل کې لوی گوندي کنفرانس را وبلل شي . د ملي گوند د مرکزي شورا د ۹۱ غړو څخه ۷۱ تنو په کنفرانس کې گډون درلود  چې د ۲۰۰ تنو برخه والو له خوا د افغانستان د ملي پرمختگ گوند ، په نامه نوی گوند په کې اعلان شو . دکنفرانس چاری ما مخته يوړلی . ددی گوند مهمو کادرونو په تیره بیا بهرمیشتو ملګرو استازو هم برخه درلوده . کنفرانس کې  لازمې پريکړی  لکه د گوند اساسي  اسناد  ،د مشرتابه له پاره مرکزي شورا، دارالانشا ، اجرايه شورا د رايو په يوالي تائيد شول .

زموږ گوند د نورو گوندونو دخلکو د کور ملگرو سره د يوالي په پروسه کې په پوره رښتين ولی مخته روان دی او ما هم تر وسی پوری خپله دنده اجرا کړه . گوندي ناستی ، گوند ته نوی جلب جزب او گوندي نشراتو کې پوره ونډه اخستل شوی . د گوند ددريځ په اړوند په ميډيا کې ما تقريبا د شلو ځلو زيات په تلويزون، راديو او فيسبوک، گوندي مجلسونو کې د خپل گوند تگلاری او دريځ نه ټينگه  دفاع کړی .درنو دوستانو په گران هيواد کې تپل شوی نا اعلان شوی جنگ دوام لري زموږ عام ولسونه او د وسلوال پوځ  منسوبين د شهادت جامونه څښي په همدی کال کې د غزني ولايت کې عامو خلکو وسلوال پوځ، ننگرهار، هلمند، بغلان، فرار ، فارياب، کندهار او په کل کې په ټول هيواد کې په زر گونو عام ولسونه اود وسلوال پوځ سربازان او افسرانو خپل خواږه ځانوه بایللې او شهېدان شوي .

ددی ټول ناکردو تر شاه د گاونډيو هيوادونو ، داخلي مافيايي ډلو ټپلو ، ځان غوښتونکو او هيواد دښمنه عناصرو لاس دی . سره له دی چی د سولی له پاره نړ ېوال کنفرانسونه سرته رسيدلي خو مثبتی پاېلی نه دي تر لاسه شوي،په همدی کال کې د ولسي جر گۍ له پاره ټاکنی وشوی په ټاکنو کي درغلۍ ،  زور ازمايي ، د پيسو ناروا مصرف او  نور منفې مظاهر ولېدل شول ، خو په هر صورت ټاکنې وشوی . دی ټاکنو کې د پخوا په پرتله يو توپير وو هغه دا چی عام ولس تيرو داړه مارو وکيلانو ته رايه نه ور کوله ، د هغوی تيری کړنی ددوی د کرکې وړ وی . دا ځل خلکو ځوانانو ته رايه ور کوله اود هر هغه ځوان پلوي وو چی د خپلو خلکو د ښېرازی له پاره يې ښې بر نامی وړاندی کولی.

بله اهمه خبره داوه چی مخکني په اصطلاح جهادي ډلو ټپلو د ملي ايتلاف تر نامه لاندی غورځی پرزی کولې ،  د مقامونو د ساتلو او قوم پالنو ژبپاللو بوی هم تر ی راوتلو ، ولی خلکو ددوی پر داسی نا مقدسو ايتلافو باور نه در لوده اود پاشل کيدو هيله يې کوله . د دولتي چار واکو تر مينځ هم د ملت جوړونې قوي سياسي اراده نه ليدل کيدله د مقامونو د ويش مسله هم د انديښنې وړ وه کار داهل خاوندانو ته نه ور کول کيدلو  ، فساد او رشوت، واسطی  کول هم مروج وو .

دا وو خورا لنډ مالومات چی وړاندی شول.

محمد اقا شيرزاد